الثقافة

الرمح عشان يترمي لازم يكون مستقيم جدا و مافيش فيه اي اعوجاج لانه بيخترق الهواء و اي اعوجاج فيه بيعمل خلل في كفاءة و أداء الرمح

في أداة بتعدل الرمح و تشيل منه ايه اعوجاج اسمها ‘ثِقاف الرماح ‘

و معني كلمة ثَقّف لغويا هو سوى الاعوجاج و قومه

و من هنا جت معنى كلمة الثقافة

فالانسان المثقف هو اللذي عدّل اعوجاجه

ولما يوصف انسان بأنه مثقف فده معناه انه علم من مختلف العلوم ما يكفيه حتى يقيم اعوجاجه و يهذب سلوكه

و خلي بالك تعلم من مختلف العلوم مش مجرد انه عرف او تعلم او حتى ضلع في علم واحد بس لان الإنسان عشان يتهذب محتاج يعرف في اكتر من حاجة

و عشان كدة تلاقي علماء زمان ما كانش فيهم عالم متخصص لكن كانوا يجمعوا بين عدة علوم زي مثلا كان عالم في الرياضيات و الفلك و الفيزياء مع بعض ده بس مجرد مثال قيس عليه كتير

عشان كدة لما تشوف كم و كيف العلم اللي عند الناس دلوقتي ما تستغربش من اعوجاج الشخصيات لانه امر طبيعي جدا