مهم قوي تتخيل مش تقرأ
لاحظ ابنك او اي طفل
و هو ٤-٥ سنين بيجري على حضن امه و يبقى عايزها تحكي له حدوته و تلاعبه
لما يوصل ١٠ سنين تلاقيه بقى بيتحرك كتير و بيمشي في الشارع جنب ابوه و بيشوف ابوه أقوى واحد و ممكن يروح يضرب عيل و يجي يتحامى في ابوه
لما بيبقى ١٥ سنة تقريبا بيكون عايز يظهر أدام الدنيا و الناس و يبقى ليه قيمة بس هو في نفسه لسة ماعندوش اي حاجة فتلاقيه بيعمل ليه شخصية و بيتباهى بعيلته مهما كانت اللي ابوه دكتور بيبقى ماشي فارد صدره ان ابوه دكتور رغم ان ممكن هو نفسه يكون فاشل 
و اللي ابوه بلطجي برده بيبقى ماشي فارد صدره ان ابوه قوي رغم ان هو نفسه ممكن ياخد ألم يقع 
المهم ان ألمرحلة دي بتلاقي كل واحد ماشي يتباهى بابوه و عايز يطلع زيه هو ده مثله الأعلى
و من هنا بيبدأ الولد يبني بقى نفسه سواء يذاكر او يصيع عشان يبقى ليه شخصيته هو اللي يتباهى بيها امام المجتمع أدام
تخيل بقى واحد لا عنده ام يترمي في حضنها و لا اب يتحامى فيه و لا يتباهى بيه و يتربى في بيوت جده و اعمامه
غمض عينيك كده وتخيل كدة احساسه ايه بجد؟!
متخيل كم الضعف و السكون و الانكسار و الخوف ؟!
انا متخيله هادي و ساكت على طول و قاعد على جنب و بيخاف يختلط بالعيال و في الفصل بيقعد في الدكة اللي ورا او جنب الحيط و في الفسحة مش بيتخانق زي باقي العيال و يضرب لانه بيخاف يتضرب، متخيل لما يجي وقت المرواح في عيونه دايما لمعة حزن و كأنها دايما مدمعة، حاسس بغربة و وحدة
الولد ده لما يكبر هتلاقيه اكتر واحد حاسس بالناس الضعيفة و الغلابة و بيفهمهم من غير ما يتكلموا، تخيل كم الرحمة و العطف اللي جواه
هو ده كان النبي محمد ص