لو دخلت مسرحية و معاك ولادك و لاقيت الحوار فيه الفاظ خارجة بتتضايق و بتعترض و ممكن اعتراضك ده إنك تاخد عيالك و تمشي
اعتراضك هنا (عدم رضاك) هو مش اعتراض على الممثل هو اعتراض على المؤلف إللي كتب نص من وجهة نظرك سافل و رخيص
اعتراضك على الحياة هو اعتراض على السيناريو المكتوب (القدر)
و لذلك من أساسيات الايمان هو الايمان بالقدر خيره و شره
إزاي أكون مؤمن بوجود إله خالق مهيمن مسير للكون و اعترض عليه ؟!!
ده معناه إني مش عاجبني تقديره و إني شايف إن في تقدير أفضل من كدة
تخيل لو واحد راضي برزقه و بيشتغل بأمانة بدون تذمر
– تخيل لو واحد راضي بما يملك و مش محتاج يسرق أو يرتشي عشان يحسن دخله
– تخيل لو واحد راضي بحياته عمره هيسرق؟
– تخيل لو واحد راضي بحياته عمره هيفكر في مخدرات؟
– تخيل لو واحد راضي بحياته عمره هيقلق من بكرة ؟
– تخيل لو واحد راضي بحياته عمره هيتعب نفسيا ؟
اعتقد إن لو الإنسان رضي بقدر الله ما ارتُكِبت معصية و لا كان هناك مظلوم لإنه لن يكون هناك ظالم