موضوع كبير
الرضا ببساطة إنك تبقى مبسوط
الرضا مش إنك تبقى غير مهتم أو مكترث
في فرق كبير بين إنك تكون مبسوط و بين إنك تكون غير مهتم
السعادة معناها إنك مستمتع بما لديك
عدم الاكتراث معناه إنك بتحاول تتعايش، تنسى، تتناسى، أو تعمل نفسك عادي مش فارقة معاك
مثال: مهندس و متجوز و عندك ٤٠ سنة و مش معاك فلوس هتروح تاخد مراتك و تتعشوا سندوتشين فول و أنتوا ماشيين على رجلكم لو إحساسك وقتها اختلف عن إحساسك و أنت معاك عربية و عازم مراتك في مطعم شيك ع العشا
يبقى إنت مش راضي
اوزن مدى سعادتك هتعرف مدى رضاك
اوزن مدى رضاك هتعرف مدى إيمانك (إيمانك بالله بالنسبة للدين و إيمانك بنفسك بالنسبة للدنيا)
الرضا بيعكس اد إيه ثقتك في الله
ثقتك دي من عدة جهات
ثقتك في اختيار الله للحال بتاعك
ثقتك في إن الله هيخرجك من الحال ده
ثقتك في إن الله هيسمع دعاك
الرضا بيعكس مدى إيمانك بنفسك
إيمانك إنك بشر و ممكن تغلط و بتغلط و هتغلط
الاعتراف بالغلط ده هيخليك تتعلم و ما تكررش الغلط
أهم حاجة إن الرضا بيخليك تستمتع بالحياة
طب لو مش راضي ؟