البيزنس له دين

“البيزنس له دين” بس احنا ما بقاش عندنا لا دين و لا اخلاق

تخيل كدة موقف ظريف وبسيط جدا

انت راجل صاحب شركة مقاولات

و عندك صاحب شغال بنّا (اللي بيبني طوب)

صاحبك البنا ده عنده ٥ عيال و بيشتغل كدة باليومية يوم يشتغل و ١٠ قاعد و حاله على اده

جه صاحبك البنا ده ناس كلموه قالوا له احنا عايزين شركة مقاولات تعملنا شغل

راح قايلهم على شركة صاحبه و حبيبه و قالهم دي احلى شركة و ناس محترمة و وصلهم ببعض و قعد يتابع معاهم و ياخد ورق من هنا يوديه هنا

بعدين دخلوا بقى في الحوارات بتاعت المناقصات و البنا الغلبان قعد على جنب

تعدي الايام و البنا يكتشف ان صاحبه اخد المناقصة و شغال فيها و انه جايب بنا تاني يبني له و يشتغل في المشروع

النفس البشرية

بقالي اسبوع كدة عمال اخد اخبار غريبة من الناس اللي حواليا

بس ملخصها ان في ناس كتير قوي حوالينا اقل ما يوصف انها مريضة نفسيا بجد

المرض النفسي مش عيب على فكرة

بس الغريب ان الواحد يبقى مش شايف ده

ايه الفكرة انك ممكن تأذي واحد لمجرد انك مش حابه او هو مش على مزاجك ؟؟

ايه الفكرة انك تبقى عارف ان في واحد محتاج مساعدة و مساعدته مش هتكلفك حاجة و انت ما تساعدوش ؟

ده بالعكس مساعدتك ليه ما هي إلا رد جميل هو اصلا عملهولك و هي اصلا مش مساعدة لأنك هتستخدمه زيه زي اي عامل تاني